అజిత్ కుమార్ యొక్క విడముయార్చి టీజర్ సంక్రాంతికి అంచనాలను పెంచింది

అగ్ర క‌థానాయ‌కుడు అజిత్‌కుమార్‌, లైకా ప్రొడ‌క్ష‌న్స్ క‌ల‌యిక‌లో మ‌గిళ్ తిరుమేని ద‌ర్శ‌క‌త్వంలో రూపొందుతోన్న ప్రతిష్టాత్మక చిత్రం ‘విడాముయ‌ర్చి’. ఈ సినిమా వ‌చ్చే ఏడాది సంక్రాంతికి విడుద‌ల‌వుతుంది. అనౌన్స్‌మెంట్ రోజు నుంచి భారీ అంచ‌నాల‌తో రూపొందుతోన్న ఈ సినిమా రీసెంట్‌గానే షూటింగ్‌ను పూర్తి చేసుకుని పోస్ట్ ప్రొడ‌క్ష‌న్ వ‌ర్క్‌ను కంప్లీజ్ చేసుకుంటోంది. తాజాగా ‘విడాముయ‌ర్చి’ టీజ‌ర్‌ను మేక‌ర్స్ విడుద‌ల చేశారు. టీజ‌ర్‌ను గ‌మ‌నిస్తే సినిమాలో హీరో అజిత్ కుమార్ డిఫ‌రెంట్ అవ‌తార్‌లో కనిపిస్తున్నారు. ప్ర‌పంచ‌మంతా నిన్ను న‌మ్మ‌క‌పోయినా ప‌రావాలేదు.. నిన్ను నువ్వు న‌మ్ముకో.. అనే కాన్సెప్ట్‌తో సినిమా యాక్ష‌న్ బేస్డ్ మూవీగా తెర‌కెక్కింది. అజిత్ దేని కోస‌మో అన్వేషిస్తున్నారు.. చివ‌ర‌కు త‌న‌కు కావాల్సిన దాని కోసం విల‌న్స్ భ‌ర‌తం ప‌డుతున్నారు. తాను సాధించాల్సిన ల‌క్ష్యం కోసం ఏం చేయ‌టానికైనా, ఎంత దూరం వెళ్ల‌టానికైనా, ఎవ‌రినైనా ఎదిరించేలా ఇప్ప‌టి వ‌ర‌కు క‌నిపించ‌ని ఓ వైవిధ్య‌మైన పాత్ర‌లో ఆయ‌న మెప్పించ‌బోతున్నారు అజిత్‌. టీజ‌ర్‌తో సినిమాపై ఉన్న అంచ‌నాలు నెక్ట్స్ లెవ‌ల్‌కు చేరుకున్నాయి.